[新聞] 疫情之下遊客大減日本兔仔島挨餓要救濟 !

2020年5月24日

疫症之下全球旅遊業暫停，過往滿滿遊客嘅景點都突然變得非常冷清，除咗旅遊業界受害之外，原來有唔少動物都同樣要等人救濟。日本廣島竹原市外海，一個名為大久野島，因為島上有近千隻野生兔仔，又名「兔仔島」。過往一年吸引40萬遊客，但因疫情影響，令遊客大減，今年4月只有2千多位遊客前往，比去年同期大減8成。島上嘅兔仔一向都係靠遊客餵食，如今遊客大減，一眾兔仔就慘要挨餓。春天正正係兔仔繁殖季節，正正需要大量糧水，令人擔心兔仔營養不良。島上碼頭亦已女經免費派發兔糧，任何人都可以幫手去拎去餵兔仔。大久野島唔係唯一一個受害地點，原來奈良公園嘅鹿仔同樣因為呢個原因而要挨餓，更要聯群結隊走到奈良市區搵食呢。