公仔箱論壇 - Powered by Discuz! Board

標題: 陳龔自拍片段親暱對白足本睇：「珠珠，真係嚇死人嘞」 [打印本頁]

作者: nt1972 時間: 2011-1-11 05:28 AM 標題: 陳龔自拍片段親暱對白足本睇：「珠珠，真係嚇死人嘞」

千億爭產案敗訴，被指偽造龔如心 06年遺囑的陳振聰上訴聆訊昨日展開。陳振聰的律師於庭上播放陳與龔西貢郊遊時自拍的 4分鐘片段，力證兩人有親密關係，內容如下：陳：陳振聰　龔：龔如心（）：本報記者補充　註：插圖為本報繪製（從畫面所見，龔如心站在日本房車前座乘客位車門外擺甫士）陳：作狀，錫到佢燶，錫到佢燶，錫到燶，錫到燶。老竇得嘅，老竇。人哋以為你賣車廣告。龔：係咩？係嘞，做賣車廣告。/ S# a/ l* i! J6 [
3 h, D' Z) z6 Z4 E" g

" f4 e( G) v, g9 j
tvb now,tvbnow,bttvb' W" [$ g/ r! s, f7 w r
陳：唔，一於咁嘞，賣車廣告，而家就真係似賣車廣告嘞，咁樣都幾似賣車廣告個噃。龔： Yeah。陳：一於咁喇，就用賣車廣告做題材喇，下次送畀 Toyota，問佢賣唔賣──賣唔賣股份出嚟。龔： Toyota幾好 o架。陳：好 o架，如果佢肯賣就好嘢嚟 o架。龔：嗄，嗄。係咪日本車中， Toyota算最好呢？陳：算最好囉，我覺得算最好囉。龔：唔，唔。不過我始終唔係好鍾意日本車嘅。陳：點解啫？龔：唔，唔。陳：佢始終都唔係幾好，覺得？龔：我就覺得好似──好似竇泥啲。（從畫面所見，龔如心拍打車蓋）陳：唔會。龔：嗰個殼。陳：一扁咗。龔：係咪薄咗？陳：可能係扁咗，你一佢扁咗。龔：不過……嗰隻顏色好靚，老竇，嗰隻顏色好靚呵，嗰個算咩嘢顏色呀？陳：（從畫面所見，龔如心繞過車頭，走上司機位）係喎，不如你作狀──不如你作狀揸車都好喎，係咪──好唔好？龔：作狀揸車。陳：唔唔。好耐冇揸過車喇，係喎。 Hi，你有幾耐冇揸過車呢？龔：好耐囉，都唔知識唔識揸。 TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。& E# M6 u2 o Q6 O) m/ A
8 T3 y. J7 a/ Y3 d. L
陳：畀條鎖匙你，如果你識唔識撻着佢呢？唔係嗰──係大嗰條呀，記實。唔知點呀？向右扭就係撻着佢 o架喇，大力啲喇。其他唔好喐嘞，如果唔係，架車舂咗上前面就弊嘞。（從畫面所見，龔如心撻車）: |/ _: a5 \2 v9 t$ d$ a' L

龔：開。陳：唔好，開咗佢，呢個珠珠。龔：（龔如心㩒低車窗） Hello。陳： Hello。龔：我自己開咗走，留低你喺度。陳：唔好呀，唔好呀，咁樣開走咗，留低個老竇……，呢個珠珠，唔得呀，你而家唔係 o架，你未開手掣呀，喂，珠珠，你未開手掣呀。龔：手掣喺邊度？陳：真係衝咗落去呀，你。嗱，你停止，唔好踩油住，停止。我以為你──龔：咦，咁驚嘅，咁驚嘅。陳：我以為你衝咗上去前面撞嚫咗自己。龔：車嚟，車嚟。（懷疑有車駛近）陳：唔，咁好吖，車嚟唔緊要呀，由得佢車嚟算嘞，撞唔到老竇豬嘅。龔：咁驚。陳：一陣撞嚫心肝寶貝點算喎。龔：玻璃窗點開呀？（龔如心尋找開天窗掣）陳：呢個窗呀？有個掣嘅，你要扭着佢嘞，你要扭着。龔：哦。陳：唔係，你錯嘞，你錯嘞。龔：唔。陳：你要呢開咗個鎖匙。龔：唔。陳：唔需要撻火，咁呢呢度個掣，燈側邊有個掣，向後一㧬，唔係，向後㧬，向後㧬，向後㧬。
tvb now,tvbnow,bttvb$ e% i0 h% c1 y# h' }7 s

龔：㧬咗囉。呢個畀威威嚟坐最好，個頭擠喺度。陳：伸咗出去。一於我就話不如你畀咗我用威威做－－威威坐－－威威坐……，伸個頭出去喇。龔：（龔如心將半身伸出天窗） Hello。陳：係喎，即刻可以賣告 o架嘞，珠珠。嗱，唔准喐呀，繼續－－繼續做戲 o架要，仲有成三十分鐘 o架。龔：仲有三十分鐘。陳：慘嘞，而家先做得八分鐘咋。龔：人哋以為我哋喺度賣廣告。（龔如心整個人坐上車頂）陳：似唔似賣廣告呢？一定似。你隻──龔：……架車畀佢坐爛。陳：你阿珠珠，真係──嚇死人嘞，而家坐咗上……

作者: Gambit_Kit 時間: 2011-1-11 09:57 AM

She is very "Innocent".............www.tvboxnow.com- K( `+ q' L8 I4 E
May be they are not lover, she might be lack of love from her own father........need someone to pretend to be her dad,

作者: 大啦叭 時間: 2011-1-11 06:41 PM

最後一場闹剧正式開锣：《“哨牙通”死雞撑飯盖！》

作者: dming345 時間: 2011-1-12 03:07 AM

點解要留番上訴先至'揚'出來 ?

歡迎光臨公仔箱論壇 (http://www.tvboxnow.com/)