公仔箱論壇 - Powered by Discuz! Board

標題: 葉劉寸爆警方亂收風 [打印本頁]

作者: aa00 時間: 2011-4-16 10:42 AM 標題: 葉劉寸爆警方亂收風

本帖最後由 aa00 於 2011-4-16 10:48 AM 編輯

警方一連兩日喺中環立法會一帶，動用數百名警員、數十架警車、以及無數鐵馬同防暴裝備，甚至暫時封閉其中一個港鐵站出口，防範一場根本冇出現過嘅反預算案暴動，極度浪費警力同納稅人公帑。做過保安局局長、出名體諒紀律部隊工作嘅新民黨主席葉劉淑儀，尋日都罕有發炮批評警方部署，質疑警方唔識收風或者收錯風，因而鬧出今次笑話，要求警方好好檢討現行嘅收風機制。; ^) Y# L, ^6 B4 y
tvb now,tvbnow,bttvb; N/ F- M1 e2 K. P# Q0 z1 \
立法會前晚喺一片炮轟聲中低票通過「史上最廢」預算案，但立法會大樓外嘅情況，就令當局大失預算。前日朝早只有幾名極和平嘅社民連後生仔到場靜坐，晚上更只見示威常客「女長毛」雷玉蓮，帶埋一個貼上財政司司長鬍鬚曾肖像嘅吹氣公仔到場示威。見成班警察冇嘢做圍住女長毛同個吹氣公仔鬥兇，真係令納稅人唔知好嬲定好笑。估計連見慣大場面嘅女長毛，亦會多少感到受寵若驚。1 c J% X' u2 M. {, s( ?/ g- b- ~
公仔箱論壇- F' K5 j, B; N9 \: |
上月衝突甩轆心急補鑊事後有人估計警方係因為喺上月初嘅反預算案衝突中甩轆，又跌槍又亂噴胡椒噴霧，所以心急補鑊補過龍。亦有人揣測警方係受咗來自某方面嘅政治壓力，或者班高層掛住擦鞋，先至明知戇居都要咁做。不過，做過保安局一姐嘅葉太就有另一套睇法。公仔箱論壇, g5 I. k0 A! M: e7 w3 g' { @! C
葉太指出，正常警方應該係根據收集到嘅情報，估計到時會有幾多人同有乜人示威搞嘢，然後作出相應嘅警力同行動部署，按早兩日情況睇嚟，警方明顯係收錯風。佢又話，啲示威者想搞嘢，尤其係想發動有大批人參與嘅活動，必須要透過各種網上工具「吹雞」，唔好話擁有超級電腦嘅警方，就算普通小市民求其攞部手機上網，都可以輕易獲取有關資訊，知道有冇人想搞嘢同搞緊嘢，冇理由擺出咁大個烏龍，警方今次真係要好好檢討。
講開女長毛，尋日有網民喺youtube上載咗一段短片，拍攝咗星期三晚立法會暫停會議後，女長毛由立法會示威區「放工」搭港鐵番屋企嘅情況。片中所見無論女長毛去到邊，都有兩至三名貌似便衣警員嘅男子，喺佢幾呎範圍內跟住。拍攝短片嘅網民問佢哋跟住人做乜，佢哋就擰轉面行開一陣，但轉過頭又跟番埋嚟，極度尷尬同搞笑。今時今日當差真係唔容易，尤其係跟着班戇居嘅老細！
8 i" A5 D3 D7 u
來源：《東方日報》
公仔箱論壇. v8 t0 Y% N/ c) ^! j

作者: kakit1222 時間: 2011-4-16 11:27 AM

我覺得有備無患好正常啫,如果萬一眞係爆發衝突點算呢?

作者: jjwah 時間: 2011-4-16 12:56 PM

求其揾嗰掃地做都得

作者: aa00 時間: 2011-4-16 11:49 PM

警察都甩轆跌槍，掃地…容 mud 易支槍走火？打死人咪大煲？

作者: dming345 時間: 2011-4-17 12:01 AM

一朝被蛇咬,百日怕井繩 !

作者: aa00 時間: 2011-4-17 12:11 AM

跌槍無問題，打死大件事！

作者: 4557 時間: 2011-4-17 01:13 AM

尤其係跟着班戇居嘅老細 < This one GOOD

8 Y0 W5 R2 h6 `# k# b

5好咁講呀當日人地話行精英制ga

歡迎光臨公仔箱論壇 (http://www.tvboxnow.com/)