公仔箱論壇 - Powered by Discuz! Board

標題: [股票] 瀚洋做昆士柏物流夥伴 [打印本頁]

作者: huichi0426 時間: 2012-9-29 04:34 AM 標題: 瀚洋做昆士柏物流夥伴

唔知係咪因為香港人鍾意睇英超，就連上市公司都鍾情於英超？之前曼聯計劃上市，差少少就入咗香港呢個「龍門」，點知出界去咗美國，唔緊要喇，絲絲都會繼續做紅魔粉絲，最近又有一間香港上市公司都同英超拉上關係，呢間就係瀚洋（01803）嘞！

練習波衫晒logo
空運艙位批發公司瀚洋，最近就同英超球隊昆士柏流浪（QPR）合作，做咗對方嘅官方物流夥伴，仲簽咗一年約，喺呢一年入面，瀚洋嘅logo仲會印喺QPR嘅練習波衫上面，即係話香港球迷好熟悉，曾經踢過曼聯嘅QPR隊長，南韓球員星仔朴智星，日後練波嘅時候都會孭住瀚洋個logo喺身上面嘞！

不過絲絲諗住再同公關姐姐八吓，到底「物流夥伴」實際上係乜東東嘅時候，佢就話呢方面大家仲傾緊，總之雙方會喺物流方面有合作喎！

佢哋亦都隆重其事，瀚洋幾個執董，親身飛咗去英國簽約，都孖埋星仔一齊影大合照添。

歡迎光臨公仔箱論壇 (http://www.tvboxnow.com/)