公仔箱論壇 - Powered by Discuz! Board

標題: [股票] 中環在線：李寧唔正經　股東好激心 [打印本頁]

作者: chin2009 時間: 2013-2-22 09:06 AM 標題: 中環在線：李寧唔正經　股東好激心

李寧（2331）噚日開股東特別會議，投票「修改一般授權」，以便進行變相供股計劃，雖然議案獲通過，但一班小股東非常勞氣，投訴公司唔正正經經供股。

李寧並非以一般供股形式抽水，而係按二供一比例向現有股東發售可換股證券。一位年逾古稀嘅股東婆婆喺會上，鬧爆呢個抽水計劃鬼咁麻煩，「要將啲股票拎嚟拎去，又要收手續費」。另一位小股東亦發炮：「要錢咪正正常常供股囉，真係好買唔買，買咗李寧！」

老闆李寧人肉錄音機上身咁解釋，指計劃「符合整體股東利益」，仲叫股東「投咗票先，之後再慢慢解釋。」之後真係搵工作人員走去同小股東解釋，玩財技得來都叫做有啲風度！

歡迎光臨公仔箱論壇 (http://www.tvboxnow.com/)