返回列表 回復 發帖

[轉會] 投蒙通聯科拿「泰」驚喜

已躋身亞協盃 8強嘅泰國球會蒙通聯,周五正式宣佈邀得利物浦一代名將科拿加盟,今日會進行體測,而明日會首次以蒙通聯球員身份見傳媒。呢位前英格蘭國腳今次決定都幾令人 "R" 頭,曾效力澳職北昆士蘭風暴、珀斯光輝嘅佢,之前話想多啲時間陪家人至離開澳職,家陣突然投身泰國聯賽,唔通就代表可以同家人見面多啲?唔會啩?不過近代唔少英國人去泰國發展就係事實,好似前英格蘭隊長白賴仁笠臣就教過泰國國家隊,呢個國家,擺明係過氣英兵嘅天堂。
返回列表