近兩季聯賽主場食住兵工廠 愛華頓受讓口味
連續幾日聖誕快車賽期，One Sir冇同大家見面，因為依家足球博彩市場蓬勃，成日都有波玩，難得有假期，One Sir專登抖幾日，等個人fresh，揀波都醒。球隊其實都係一樣，唔係成日咁sharp，好似阿仙奴咁，近排確有跌Watt現象，今日作客對住大勇愛華頓，仲要讓波唔抵玩，愛華頓下盤極具投資價值。（now 632周日凌晨1時15分直播） 「兵工廠」領隊雲格係好多投資界人士良好學習對象，佢發掘年輕球員有一手，而且懂得低買高賣，係一名投資高手。 今年雲格就係靠呢班「小虎隊」打天下，成績確係有目共睹，不過，球隊總唔會永遠高峰，如何面對滑落先至考功夫。 雲格有陰影先求不敗
不過，阿仙奴從高峰滑落之時，正值聖誕新年快車，對球隊部署有一定影響，從上仗對樸茨茅夫睇到，「兵工廠」狀態有所回落，今仗仲要對住弗到漏兼侵略性極強愛華頓，如果你係雲格會點做呢？ One Sir相信雲格會採取穩守突擊，即是話先求和波，有機會才博贏波，因為阿仙奴近兩季聯賽作客愛華頓都輸，今次和波算係可以接受戰果，但係睇埋個盤，阿仙奴竟然要讓平半，買上盤係風險極高項目，同One Sir一向格言背道而馳，今仗買下盤先至係最好投資。
兵工廠回落和波派「糖」
阿仙奴近排表現漸見回落，仲失去個榜首席位，今晚英超造訪愈戰愈勇愛華頓隨時再度失分，呢場「孖寶半全膽」頭關宜敲和局，博0:0、1:1。
兵工廠上仗失分畀樸茨茅夫，今季首次聯賽冇波入，連榜首席位都畀曼聯搶埋，一班「廠仔」明顯有疲態兼壓力。拖肥糖主場六連勝之餘，葛迪遜公園球場對住阿仙奴近六次取得三勝一和二負，往績唔失禮，是役有力賽和阿仙奴，而參考雙方對賽紀錄，近六次只有一次開大，今仗一於向細波膽和波埋手，捧0:0、1:1。
拖肥糖玩人海戰術「茅」招 阿仙奴三分嗒唔落
曼聯十二月份英超五戰全勝，相反阿仙奴連失七分，雙方形勢急速逆轉。其實上季紅魔亦係乘住冬季戰役強勢拋離車仔而最終捧盃，唔知雲格會唔會重蹈莫連奴覆轍呢？
兵工廠今季英超場場都有入波紀錄畀樸茨茅夫終結，對上一次英超冇入波對手又係樸茨茅夫，其實就係對手中場堆積人手，用人海戰術一個搶一個，令到兵工廠發揮唔出流暢整體配合，搞到法比加斯成場只係傳出五十一腳波，成功率只得七成，結果艾迪巴約全場射門零，樸茨茅夫戰術對愛華頓有好重要啟示。
事實上，「拖肥糖」近期狀態超勁，畀曼聯終結各項賽事十四場不敗之後亦能迅速反彈，主場六連勝，防守硬朗絕冇拖泥帶水，中場阿迪達復出後進攻組織同死球處理仲醒過以前，加埋好弗卡希爾，有機會令到兵工廠連續三季英超葬身於葛迪遜公園球場。
阿仙奴作客火拼愛華頓
 | | 加拿斯是阿仙奴的後防重臣。 |
週六晚上英超繼續加開快車，剛被曼聯追過的阿仙奴將作客到愛華頓，而樸茨茅夫則在主場迎戰米杜士堡。
愛華頓現時積33分排英超第6位，上場2比0擊敗保頓後主場四連勝，4場入15球攻力強勁，面對阿仙奴有力一拼。領隊莫耶斯要視菲臘尼維利的情況才決定其出場與否，中場悍將加維臣上陣成疑。此外，拜尼斯、史杜比斯和奧士文仍然因傷倦勤。
阿仙奴上仗作客被樸茨茅夫迫和，痛失2分後跌落第二位，今番面對實力分子的愛華頓，能否維持其穩定的發揮將是今場的關鍵。今仗有隊長加拿斯傷癒復出，而中場E.艾保爾則會避戰。射手雲佩斯的康復進度良好，預計新年後會復出，而華確特因感冒而缺陣。
| 
發表於 2007-12-28 06:20 PM
| 
希望大家一起分享 
大家好，我估计阿仙奴阵容
