返回列表 回復 發帖

[分享] 曼聯漫畫:「蘇B」7連勝就快坐正

曼聯周六晚主場以2比1擊敗白禮頓,令看守領隊「蘇B」蘇斯克查領軍後豪取7連勝,旺氣逼人,坐正機會又提升。

曼聯喺當旺教頭蘇斯克查帶領下已經連贏6場,包括上仗險勝熱刺,士氣高昂下繼續取勝,今仗贏波過程順利,27分鐘先有保羅普巴操刀12碼建功,亦係普巴2019年首個入球。

第150次代表紅魔出賽嘅拉舒福特,表現愈見成熟,上仗一箭定江山贏熱刺後愈踢愈有信心,今仗42分鐘於禁區內窄角度轟入靚波,上半場領先2比0。

下半場72分鐘白禮頓憑柏斯高哥斯破蛋追成1比2,但之後曼聯繼續控制戰局,喺主場以2比1贏白禮頓,自「蘇B」領軍後連贏7場,旺到冇朋友。
附件: 您所在的用戶組無法下載或查看附件
返回列表