公仔箱論壇 - Powered by Discuz! Board

標題: [時事討論] 中門大開：精英Bluffer - 添馬男 [打印本頁]

作者: ktangnp 時間: 2012-12-5 11:46 PM 標題: 中門大開：精英Bluffer - 添馬男

2 Y Y$ ?9 B% m% I4 x& V2 ^
■林奮強等梁粉多屬吹水之徒，難擔大任。

梁振英組執政團隊，由邵善波做keeper，借中策組個殼上，之所以引起反彈，當然係因為批評者雙重標準。英國人年代中策組首席顧問「魔僧」顧汝德乃肥彭核心幕僚，「大頭福」霍德擬好一份臨時機管局成員，你估肥彭助手「細龜」黎偉略有冇叫魔僧睇睇張名單，一定有，隨時在魔僧手上加番一兩個親中政客名字交畀細龜。以前冇人嘈，點解家嘈？好簡單，一字咁淺，大家信肥彭，唔信CY、邵善波、張志剛、羅范……（下刪廿個梁粉名字）。
tvb now,tvbnow,bttvb1 j( l5 d1 t+ ?0 I- \- U

% N9 T6 c- j5 m. _2 C

開會多口水　解畫就淆底
政治本來就是雙重標準，冇話一把尺，講到最後就係政治信任。梁粉不獲信任，除咗大佬蠱惑被多次識穿之外，梁粉們亦非建制主流中人，憑甚麼叫人信你？政務官對梁朝新貴早已嘴藐藐，認為盡皆吹水之徒，門口狗，開會口水多過浪，見記者議員就淆底。被梁振英提拔之炒樓王林奮強未出事放假前，凡開行會已口若懸河，當正其他人乃財經盲毛，大家唔出聲，佢就以為人人聽書，好有成功感，但實情大家個心好唔妥。

至於邵善波「左」，早已係本地傳媒及政壇常識，梁振英委任佢，好多人陰陰嘴笑，買定花生等開波。在佳叔揸旗年代，佢已經大口出事，話要研究放寬輸入內地勞工，搞到政策局「媽媽聲」，要佳叔發聲明澄清冇此事。左其實唔係問題，蠢先至大鑊。梁振英深紅背景，處理政治工作要萬分小心，戴定幾個頭盔先出手，而好多政治工作，只有口傳，唔會儍到以白紙黑字用自己名義發電郵畀政策局，仲儍到發埋畀班政助。
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。) Y) y3 J6 }( k9 w2 x% S
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。: y) p8 U6 z0 I, F) `0 c' G
政治非辯論比賽，畀你在立法會拗贏又如何？小小開一個200萬臨時位，邵善波自己引來一場政爭，反觀林鄭一樣擴張版圖，年耗2000萬開個統籌辦事處，立法會聲都唔聲，林鄭一招乾坤大挪移，將矛頭全射去邵善波，自己就輕鬆過關，手段之高，令人眼界大開。梁粉多屬吹水之徒，一旦執行起政治工作，錯漏百出。香港政局已風高浪急，仲由一班政治實習生及插班生掌舵，沉船只係時間問題。www.tvboxnow.com9 h# v! I9 n( F# p `
添馬男

歡迎光臨公仔箱論壇 (http://www.tvboxnow.com/)