公仔箱論壇 - Powered by Discuz! Board

標題: [時事討論] 太一叮：台山核電最兇險安全威脅在眼前 [打印本頁]

作者: felicity2010 時間: 2013-9-7 06:55 AM 標題: 太一叮：台山核電最兇險安全威脅在眼前

太一叮：台山核電最兇險安全威脅在眼前

俗語話，水能載舟，亦能覆舟。核能係最先進嘅能源，亦係最危險嘅能源，一旦洩漏輻射，後果好嚴重。呢，日本福島核災難就係慘痛教訓喇，事隔兩年幾，危機唔止未解除，仲不斷惡化添，日前又傳出核污水洩漏，搞到人心惶惶。www.tvboxnow.com# y- s4 z. |' T$ O
* L1 C3 b# T# b& f; {4 z8 p
點解太一叮突然咁關心核能源？無他嘅，擔心災難重演囉，而且地點唔係遠在天邊嘅日本，而係近在眼前嘅廣東省呀，你話驚唔驚吖？- s+ P @, J4 T% L' k0 v1 X

呢個近在眼前嘅核電廠位於台山，距離香港不足一百公里，○九年動工興建，預期今年年底投產。嗱，呢間新式核電廠擁有好多「世界之最」o架，除咗號稱全球最先進，仲係核反應量最大同輻射量最高添，而最得人驚嘅係，佢被指係「全球最兇險」嘅核電廠添！
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。2 T3 T" M+ L5 L& U4 N
所謂最先進，其實得個虛名嘅咋。有團體踢爆，台山核電廠採用「歐洲壓水式反應堆」，系統屬全數碼化操作，英國監管當局舊年發現設計問題多多，例如後備系統並非獨立運作，遇到事故根本無法啟動。而採用同一種技術嘅法國、芬蘭廠房，雖然分別已經喺○五年及○七年動工，卻因安全問題被勒令修改設計，至今仍未竣工。反而台山核電廠○九年動工，今年底就投產，速度就夠快嘞，但究竟可唔可以達到國際安全標準，真係令人懷疑。
! j* |2 z# y* G( @: B- q
講到呢度，大家係咪有啲擔心呢？內地充斥山寨版低劣貨色，簡單如手機充電器，就算喺外國無問題，「中國製造」都隨時無緣無故爆炸啦，何況係核能技術，歐洲「正版」都未通過安全審批，內地A貨就膽粗粗投入運作，實在好難唔令人擔心囉。

仲有吖，大家都知內地對核電安全嘅監管係幾咁粗疏o架啦。距離香港更近嘅大亞灣核電廠曾經一年內三度發生事故，其中一次仲係懷疑洩漏輻射添，雖然冇發生大鑊嘢啫，但已經令人抹一額冷汗。更不可思議嘅係，當局監管核電廠甩甩漏漏，而遮瞞醜聞就密密實實，對事故秘而不宣，瞞得就瞞。所以咯喎，團體要求國家核安全局公開台山核電廠嘅審查報告，督促港府將該項目納入粵港合作聯席會議常規議程，太一叮舉腳贊成，內地官場已夠晒黑暗，如果連核電廠運作都黑箱作業，公眾安全何來保障？
www.tvboxnow.com9 T7 L4 @) C+ m7 Y+ `0 G4 O
講開又講吖，國產官僚眼高手低，大型基建爭相上馬，唔係代表佢哋有把握，只係代表佢哋好大喜功咋。港產官僚千祈唔好同流合污，一定要打醒精神，同內地加強溝通，金睛火眼（目及）實核電廠吖，叮！! w+ {4 k+ d% C# E" K6 x

歡迎光臨公仔箱論壇 (http://www.tvboxnow.com/)