公仔箱論壇 - Powered by Discuz! Board

標題: [香港] 越南暴徒失人性港商安全誰保障 [打印本頁]

作者: nt1972 時間: 2014-5-19 04:50 AM 標題: 越南暴徒失人性港商安全誰保障

天有不測風雲，人有旦夕禍福，越南當局煽動反華暴亂，縱容暴徒殺人放火，包括港資在內嘅華資企業損失慘重，可謂無妄之災，呢筆帳點計先？
* i2 q1 i( e; z$ i: k& M& P5 v
有香港立法會議員透露，喺呢次越南反華暴亂中，最少有兩、三間港資廠房受到破壞，其中一間更被縱火添，而最離譜嘅係，就算港商報警，越南警方亦拒絕受理，擺明係兵匪一家喇。議員就此事件接觸過越南駐港總領事，你估對方有乜反應吖喇？對方嘅反應就係對港商表示道歉喎。嗱，越南暴徒冇晒人性，見到華人就打，見到華資企業就破壞，越南當局唔執法不特止，更暗中推波助瀾，依家淨係一句道歉就算數，仲有冇離譜啲吖！! U% L4 |+ W/ C0 ]0 c/ h5 H

立法會議員聲稱已去信商務及經濟發展局局長蘇錦樑，要求同越南當局簽署保障港商投資協議喎。計太一叮話齋，呢啲盞嘥氣嘅咋，越南政府成個無賴咁，簽乜都假，首先應該要求越南賠償港商損失就真。人哋上門投資，幫助越南發展經濟，依家慘遭破壞，血本無歸，唔通就咁算數咩？
8 s6 t' i/ L+ K" C: s7 F+ J, |
講開又講吖，越南之所以咁囂張，美國撐腰固然係其中一個原因，而中國軟弱無能更加係主要原因。越南長期喺南海盜採油氣，中國政府從來冇阻止，依家中國一開始鑽探，對方就百般干擾，呢啲咪就係中國政府自己造成嘅囉。tvb now,tvbnow,bttvb: w0 D% _+ g& h5 N) x

咁都未算吖，面對越南船隻嘅干擾，中國唔敢採取果斷措施，一味同對方打水戰，好似細路仔玩遊戲咁，簡直匪夷所思。更令人激氣嘅係，南海對峙引發越南反華暴亂，華資企業遭搶掠，多名華人被殺害，中國政府成隻縮頭烏龜咁，唔敢理直氣壯為同胞維權，淨係識得「交涉」，要求對方做好「善後」喎，真係睇見都眼冤。中國外交部被譏為「口交部」，唔係冇理由□，難為中國領導人仲自稱「睡獅已醒」，簡直九唔搭八。 u3 F i- a; Z L2 L

講到底，政府靠得住，豬乸會上樹。堂堂大國面對越南同菲律賓呢啲落後國家嘅挑釁居然束手無策，逆來順受，旨意中國政府保護同胞，等於緣木求魚嘅咋。正所謂，求人不如求己，港商與其繼續喺越南提心吊膽，不如早早撤離，食少多覺瞓吖，無謂搵命博喇，係咪？
: Q1 \( ?; N, J7 b7 e/ Y4 F
嗱，據講越南今日將會爆發新一輪反華示威，擺明又係得到當局默許，隨時又演變成大規模騷亂，華人再次遭殃，呢啲九反之地去唔過□。話時話，港府睇嚟應該檢討吓，淨係對越南發紅色旅遊警示夠唔夠呢？係咪應該改發黑色警示呢？

歡迎光臨公仔箱論壇 (http://www.tvboxnow.com/)