公仔箱論壇 - Powered by Discuz! Board

標題: [港澳台] 簡卓鏗│一個單車環球的香港故事：上海街小店點樣挽救我單車之旅 [打印本頁]

作者: angel987 時間: 2014-6-26 05:47 PM 標題: 簡卓鏗│一個單車環球的香港故事：上海街小店點樣挽救我單車之旅

話說我又嘗試搵嗰粒好難搵嘅螺絲。粒螺絲用嚟張前貨架鎖喺單車上面非常重要，早幾個月唔見咗之後，喺仰光我搵咗一個星期都搵唔倒，最後要喺細工場要人特登造幾粒俾我，最後全部係印度爛路上犧牲哂，要不斷更換尼龍繩死撐住。
都預咗唔容易搵。果然，單車舖，冇。五金舖，冇。
「呢隻工業用螺絲嚟架喎，你試下去上海街新填地街搵吓啦。」有個五金舖老細咁講。
喺上海街大大話話行咗廿零間舖頭，連專賣螺絲的舖頭一見都耍手擰頭。冇計啦，一睇就知唔係行內人，又唔係大生意。
最後行到呢間梁成記救咗我。間舖一啲都唔起眼，轉咗入內街舖位又細又舊，入去之前心諗：「唉，都唔方會有啦。」第一次去，老闆娘話而家唔會再搵到呢隻螺絲，但都照幫我度哂尺寸周圍問附近啲行家，又幫我搵勻全間舖搵咗幾粒似樣嘅貨，仲話唔啱可以拎番去退錢。行到身水身汗唔通真係為嗰四十蚊生意仔咩，見老闆娘咁好人你都咪話唔滾動。
第二次番去同佢講唔啱使，佢坐低幫我研究點樣可以整粒啱用嘅螺絲，仲幫我周圍借磨機，最終粒野太精細一磨就爆…老闆娘借咗把銼俾我番屋企試吓慢慢磨，叫我得閒行過還番俾佢。嘩！三唔識七就俾埋啲搵食架撐我帶走…啲人情味就嚟淹死我。- T4 L: ]+ ?3 L& D
跟住番屋企磨完發電個絲帽唔夠長，第三次向老闆娘求救，佢又幫我班咗啲駁螺絲嘅嘢番嚟，再醒多樽螺絲膠俾我做固定。都唔知係咪前世欠左我嘅…tvb now,tvbnow,bttvb& O$ Z3 _3 l4 \
搞咗成個星期終於搞掂，早兩日番去還工具，已經實在忍唔住影張相分享吓。www.tvboxnow.com7 L" O- O3 ]- K. g o' D2 a
唔係話小店一定好，但係大舖真係全部都態度好差咁想趕我走…多謝您，老闆娘。
都係嗰句，行得出第一步，個世界會幫你解決淨低嘅其他問題。

歡迎光臨公仔箱論壇 (http://www.tvboxnow.com/)