公仔箱論壇 - Powered by Discuz! Board

標題: [食肆地點] 柴灣豬扒大王 [打印本頁]

作者: nt1972 時間: 2015-8-23 01:17 PM 標題: 柴灣豬扒大王

今天和朋友一起去了柴灣執拾一下我們迷你倉內的雜物，動手前順便在高威閣下面，一間出名食豬扒的小店吃午飯。其實這小店我在多年前已試過，他們的豬扒確實是幾好味的，而今天我重溫了好耐冇食過的咖喱豬扒飯。跟多年前一樣，豬扒都是即叫即煮，所以一般上菜都會比較耐一點，而這裡因舖位面積比較細，所以很多年前已很前衛地建起"Open Kitchen"，在客人面前煮食，廚師的一舉一動全部一清二楚，透明度很高唷！在櫃枱俾完錢後，即見到師傅從雪櫃裡取出一塊約6寸長的豬扒放入炸爐炸熟，而在一旁就起鑊炒香少許洋蔥，跟著將事先預備好的咖喱膽倒入去煮熱，加入少許花奶成咖喱汁；最後將炸得酥脆的豬扒切件，加上一大殼咖喱汁淋上白飯上，完成。以上動作全程由一位師傅包辦，記住佢每次並唔係只預備一碟，而是3，5，7碟，仍能駕輕就熟，好功夫！

咖喱豬扒飯端到上來，雖然沒有一般咖喱一上枱的那種香噴噴，相反地勝在夠溫和，突顯咗豬扒的酥香，讓人一見就想試番啖先！相隔了咁多年，豬扒的質素和份量並沒有因物價上升而改變，仍然都是一碟飯跟一塊大豬扒，豬扒醃得入味，炸得微焦鬆軟剛剛好，配上微微偏甜的咖喱汁，異常地匹配；值得一提嘅係佢哋轉用咗類似珍珠米/蓬萊米煮飯，用來拌咖喱汁同吃，真的好味非常，我和朋友轉眼已食哂成碟飯，汁都撈埋！公仔箱論壇+ o* J9 s- z5 {" ]: x4 E

除咗豬扒飯好食之餘，呢度有一樣嘢都幾特別，就係招呼！雖然幫襯得小店，都預咗係大排檔自助形式冇特別好嘅service，但作為顧客，亦不至於要被呼呼喝喝吧！我哋一坐低想叫嘢，那位坐陣的女士已大嗌“叫嘢埋嚟俾錢呀！”，我唔係好明，佢鋪位已經窄，人客出入係唔方便嘅，更何況佢全間舖只有4-5張枱，已包埋擺咗出路邊的兩張枱，而當時是下午茶時段，只有3，4位顧客，唔會忙…加上佢並沒有快餐店式的收銀機，只是人手計數俾錢，點解唔可以出嚟收錢，而一定要客人相就呢？……但唔緊要，每間公司有自家營運規矩，我會尊重！但當我付出媲美灣仔中環嘅價錢，$43喺柴灣食一碟飯，我後加套餐價$10一杯凍檸茶（即是連凍飲$53）都同我講“下次叫嘢食時要叫埋，唔可以後加！”……佢嘅語氣係十分唔禮貌果隻，我真係覺得有點兒過分！講真，就算好味到像那些幾廿年老店，美味只此一間，相信都不至於咁嘅態度，更何況此店的豬扒雖然好味，但未至於唔食唔得……好似劉德華所講“今時今日咁嘅服務態度係唔夠嘅”，作為消費者，我沒有回應，只有選擇下次唔會幫襯，願佢自求多福。3 z. F' J& m- Z
www.tvboxnow.com. X: R% S8 a: D/ m u
今日的食評帶有一點點的自我情緒，希望各位唔好介意？！持平的□句，此店出品算是好味有水準的，雖然唔係咁特別，地點亦唔係太方便，但如果大家經過的話都係值得一試嘅。公仔箱論壇) l) g9 Y4 I8 n I+ [

歡迎光臨公仔箱論壇 (http://www.tvboxnow.com/)