公仔箱論壇 - Powered by Discuz! Board

標題: [其它] 147獎金得11萬奧蘇嫌cheap打少度 [打印本頁]

作者: nt1972 時間: 2016-2-17 04:56 AM 標題: 147獎金得11萬奧蘇嫌cheap打少度

一萬鎊有成11萬幾港紙，講真唔係小數目，不過奧蘇利雲就唔係咁諗。呢位外號「火箭」嘅40歲英格蘭球手，周一喺威爾斯桌球公開賽首圈贏賓捷斯4:1，明明喺第五局可以造出一Q147度，但就嫌得一萬鎊（約11.2萬港元）獎金太cheap而玩嘢，刻意只打146度。事後佢俾世界桌球聯會主席夏恩狂插，但仍有唔少網民撐佢，大讚佢可隨心所欲打出146度，簡直係神乎奇技。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。) ^$ k. B% h+ z3 r9 X+ _
tvb now,tvbnow,bttvb* }, {& ?4 b* r% D4 ^0 ]
「等獎金合理先打」tvb now,tvbnow,bttvb0 H0 X: R& t) r/ o2 N, J
歷來13次打出一Q147度、職業生涯累積獎金達837萬鎊（約9,400萬港元）嘅奧蘇，周一喺威爾斯桌球公開賽首圈對住同胞賓捷斯，打到第四局佢贏緊3:1，去到第五局領先40:0嗰陣，突然問球證一Q打147度有幾多獎金，知道咗答案後，佢初時都冇乜嘢，繼續紅黑、紅黑咁打，但打到枱面得番一個紅波嗰陣，有黑柴唔set，偏偏set個pink波。最終佢都一Q清袋，但就只係得146度。

以局數4:1晉級嘅奧蘇，事後承認係專登咁做：「我知道獎金係一萬鎊。其實我可以打到147度，但一萬鎊太cheap嘞，我唔認為147度只係值呢個數目囉。好似你去平治買車，sales同你講架車只係賣3,000鎊，你會答：『咪癲啦，我唔會買啲咁cheap嘅嘢。』每樣嘢都有個價，打出147度係個好特別嘅時刻，我認為個價應該好特別囉。我會等獎金去到合理水平，先會一Q打147度。」: K& b- F0 l0 z4 E* `& I

桌聯主席鬧爆可恥2 B2 G. o$ s( W
世球桌球聯會主席夏恩就狂插奧蘇：「球手有責任將最高水平嘅桌球同娛樂帶畀球迷，奧蘇咁做令人難以接受，同埋好唔尊重廣大觀眾。雖然佢係冇犯法，但就做咗個好羞恥嘅行為。」不過亦有唔少網民撐奧蘇，其中一個就話：「奧蘇簡直係天才，專登打出146度而唔打滿分147度，同魔術一樣。」另一個網民就話：「證明咗奧蘇真係好關心桌球，真心想幫呢個運動爭取更多嘢。」公仔箱論壇0 v4 u- D' P% b z r) X, I: e
公仔箱論壇' F, ]) a/ [5 a
至於當時幫「現在台」做緊直播評述嘅陳偉明，都覺得奧蘇好頑皮又奇怪，不過佢認為奧蘇咁做係因為佢覺得做嘅嘢同收穫唔成正比，所以放棄打147！前香港桌球代表陳國明就話，奧蘇咁做係刻意想吸引贊助商加碼，將滿分獎金提高喎。

作者: lbm5678 時間: 2016-3-2 07:23 PM

这场比赛我看的直播，这后小丁打出147据说奥神还有不满，147斯诺克的最高荣誉象征，试问有几人能放弃。

歡迎光臨公仔箱論壇 (http://www.tvboxnow.com/)