公仔箱論壇 - Powered by Discuz! Board

標題: [香港] 自製太陽能手提燈點亮窮戶 [打印本頁]

作者: serrurier 時間: 2016-10-4 12:17 AM 標題: 自製太陽能手提燈點亮窮戶

自製太陽能手提燈點亮窮戶tvb now,tvbnow,bttvb6 ?: y6 h3 V2 u" d* i$ \

[attach]3464087[/attach]

「喺有光嘅時候佢會着，如果冇光，係絕對唔會着」，周星馳電影曾經出現「太陽能電筒」令觀眾大笑，但現實中太陽能燈就絕對唔係笑話！噚日深水埗英華書院舉行「點亮生命」活動，吸引咗60個家庭共200人參加，一家大細製作太陽能手提燈，製成品可以成為負擔唔起電費嘅窮戶恩物，將會送畀香港或海外有需要家庭。

話說菲律賓貧民窟好多居民無電可用，所以興起用膠水樽加漂白水，由屋頂貫穿天花板，以陽光折射，令到日間都幽暗嘅室內有開燈效果，呢個發明叫做「一公升的光」。今次活動製作嘅太陽能燈就係升級版，由太陽能板儲電加上LED燈膽，利用天然能源為窮人帶來光明，儲好電之後，無光嘅地方都會着㗎。

合辦機構之一「加油香港基金」嘅創辦人兼行政總裁周佩波話，希望呢盞太陽能燈將簡單科學理論實踐到日常生活。劉太一家三口參加活動，佢話囝囝Linus對科學有興趣，希望今次活動令佢知道幸福唔係必然。Linus做完燈之後話覺得自己好幸福，因為「屋企有燈，可以行一步路見一步路」。

歡迎光臨公仔箱論壇 (http://www.tvboxnow.com/)