公仔箱論壇 - Powered by Discuz! Board

標題: [香港] 即食麵自己整「出前一丁工作坊」爆場到4月 [打印本頁]

作者: serrurier 時間: 2017-1-13 10:59 PM 標題: 即食麵自己整「出前一丁工作坊」爆場到4月

本帖最後由 serrurier 於 2017-1-13 11:06 PM 編輯

即食麵自己整「出前一丁工作坊」爆場到4月

[attach]3551475[/attach] [attach]3551491[/attach]公仔箱論壇 w- }6 n- h k7 k; O1 m( `

機場管理局噚日帶傳媒參觀上年尾新開、位於機場2號客運大樓嘅日清展覽館，館內有全球首個「出前一丁工作坊」，參觀者畀50蚊，就有專人教導，由搓揉麵粉開始，親手製作一包即食麵，仲可以喺包裝上畫上自己鍾意嘅圖案。由於每日只有3場，每場只可有14人，所以要事先預約。工作坊近幾個月名額已爆滿，要排到4月先有位，Emily噚日同一班行家就無緣玩到喇。

除咗「出前一丁工作坊」外，同其他日本嘅日清展覽館一樣，館內都有「我的合味道工作坊」，參觀者可以喺杯麵杯上畫畫，仲可以自選湯底同配料，製作屬於自己嘅杯麵。參加者有4款湯底同12款配料可以選擇，除常見嘅雞蛋、蟹柳，其中芝士配料更加係香港限定。工作坊入場費30蚊，參加者整完杯麵後可以帶返屋企慢慢品嘗。

另外，由機管局成立嘅香港國際航空學院，舊年12月同法國國立民用航空學院合作開辦課程，機管局話學院預計3、4月就會開學，到時亦會同民航處及航空公司等合辦課程，內容涵蓋航空管理同地勤服務等。開學後學院會用臨時校舍上堂，長遠就會喺1號客運大樓附近起新校舍，增建更多教學措施。

歡迎光臨公仔箱論壇 (http://www.tvboxnow.com/)