公仔箱論壇 - Powered by Discuz! Board

標題: [時事討論] 平機會蟬聯榜尾廢衙門香港之恥 [打印本頁]

作者: piu01 時間: 2018-11-21 07:15 AM 標題: 平機會蟬聯榜尾廢衙門香港之恥

消除歧視，實現平等，講就好聽喇，可惜理想同現實完全係兩回事。咪睇香港有個平等機會委員會，打住「建設沒有歧視、人人得享平等機會多元共融社會」嘅旗號，查實都係得把口講嘅咋，平機會連續十八年被國際機構評為C級，簡直係香港之恥。
呢，國際人權機構「全球聯盟」為地球村一百二十個人權機構評級，其中十個係C級，屬於最差勁一類，香港平機會唔單止榜上有名，仲連續十八年「蟬聯榜尾」，簡直醜出國際。之不過咁，港產官僚最叻就係面皮厚過城牆，平機會主席陳章明例牌怨天尤人，唔係呻資源有限，就係話法例不足，現時反歧視條例只有四條，包括性別、種族、殘疾同家庭崗位嘅歧視，未完全涵蓋人權範圍喎，講到好似法例唔完善搞到平機會綁手綁腳咁。咁即係點？咁咪就係千錯萬錯都係人哋嘅錯，咪就係巧言令色鮮矣仁囉。www.tvboxnow.com! s& T, {' c1 j4 s
好心陳主席搵盆水照吓鏡，咪再呃神騙鬼嘞，平機會廢到無倫，其實唔關資源或法例事，而係成個機構行政混亂，選擇性執法。呢嗱，眼前就有現成例子嘞，話說林鄭訪問完新加坡歸來，即刻話要成立公務員學院，只可惜人哋強政勵治學唔到，偏偏內地城管暴力迫遷就學到十足十，竟然強搶觀塘特殊教育職訓中心塊靚地，公然歧視弱能殘疾人士，如果平機會夠膽將港府告將官去，功夫茶敢寫包單，平機會可望一舉改善形象，陳主席亦有望冧莊，但事實係平機會裝聾扮啞，《殘疾歧視條例》根本形同虛設。
/ x0 `# y/ g. M" Lwww.tvboxnow.com平機會欺善怕惡不特止，成個機構本身更加係烏煙瘴氣，試過有平機會前僱員將平機會告上法庭，指控其無理解僱兼索償，堂堂反歧視機構竟然牽涉歧視，年年國際排名包尾大幡就係咁解。仲有吖，陳主席本人亦被指黑箱作業，任人唯親，舊年婦女節更加失言，話他日歸老會搵個女照顧，因為個仔要返工搵食咁話，結果被婦女團體狂轟言論歧視婦女，你話嘞，主席帶頭性別歧視，平機會係咪得啖笑先？公仔箱論壇: E8 j/ `& ?+ W
平機會嘅醜聞一籮籮，簡直三日三夜都數唔完。講到尾，平機會唔單止係花瓶機構，仲係退休高官俱樂部，用嚟畀退休高官翻閹，一般人邊有機會入到去呀，呢啲本身就係歧視。www.tvboxnow.com. h8 S$ a% I8 X$ V
平機會幫唔到市民，一味添煩添亂，如果真係好似佢哋所講增加資源、擴大執法範圍，咁咪亂上加亂，醜上加醜？呢啲咁嘅廢衙門不如趁早執咗佢，慳番啲資源用嚟扶貧仲實際。

作者: CC517 時間: 2018-11-21 10:53 AM

癈中最癈當之無愧

作者: lhy92725 時間: 2018-11-21 11:39 AM

边有野可以做到真正平等呢www.tvboxnow.com4 B- x4 |# {0 A! E" ]- q
人人心中都有把称

作者: manyiu 時間: 2018-11-21 01:52 PM

癈中最癈當之無愧
CC517 發表於 2018-11-21 10:53 AM

www.tvboxnow.com1 [1 [: u' H0 n' a5 P! @+ Q8 d' [
貓 E 唔好勞氣, 請你飲涼茶 !

歡迎光臨公仔箱論壇 (http://www.tvboxnow.com/)