[新聞] 【樹熊絕種！】澳洲樹熊被燒死引關注！預2050年絕種!

2019年12月20日

澳洲擁有好多種其他國家搵唔到嘅獨有生物，其中最著名當然要數到樹熊；上月因新南威爾士山火影響，大量樹林被燒毀，其中有一條影片中，可看到一隻全身上下都有火吻過嘅樹熊，仲一心諗住走入自己原居嘅樹林，最後被路過嘅有心人救起，並緊急送院。

片段流出後引起網上極大迴響，覺得人類造成嘅破壞令大量動物受害。大家之幫呢隻14歲大嘅樹熊改名Lewis；可惜好不幸，經數星期治療，由於Lewis年紀大，加上皮膚燒傷面積太廣，最後決定安樂死送走Lewis，免其再受痛苦。

根據估計，澳洲上兩個月不停出現山火，已經導致約1千隻樹熊死亡！專家之前已經推算，樹熊會於2050年絕種，如果再唔控制好山火，可能會令絕種時間推前更早！