[新聞] 阿歷士膝頭開刀車仔防線高危

車路士屋漏兼逢連夜雨，後防大穿窿！泰利已經話畀怪傷纏身，隨時要抖幾個月，另一中堅阿歷士洛里高又中招，車路士公布呢名巴西中堅要進行膝部手術將缺陣六至八周。

其實阿歷士洛里高早喺七月因為大腿傷勢一度被認為要缺席車路士季初比賽，但佢竟然提前復出，而且一路捱到十一月八日與利物浦嘅比賽，跟住就傳出膝頭受傷。

阿歷士洛里高喺對富咸同新特蘭嘅比賽都冇上陣，車路士官方網頁仲公布，醫療小組對佢進行檢查，確認佢必須進行右膝手術，並且最少要六至八周復原。

車仔已經冇咗泰利，艾殊利高爾又喺對新特蘭一役受傷，依家仲冇埋阿歷士洛里高都咪話唔大鑊。面對後防問題，領隊安察洛堤都要諗計，據報安帥吼中賓菲加後衞大衞雷斯，打算出價二千五百萬鎊（約三億港元）搶人，但要同ＡＣ米蘭、皇家馬德里等拗手瓜。

對住新特蘭，主場都輸三球，對其他點算？