RP-HXD5簡約潮流

Panasonic耳機向來走平價路線，但唔代表冇畀心機做產品設計，好似三四年前隻RP-HTX7便紅極一時。廠方近日出咗新款平價耳機RP-HXD5，玩黑、白兩色簡約設計，直情上埋9月底嘅米蘭時裝周舞台添，相當吸引！

另備收音咪線控版RP-HXD5耳機備有兩個版本，其一是標準版，另追加為Smartphone而設的線控連收音咪版RP-HXD5W，定位只係四五百元左右的入門級數，卻內藏40mm驅動單元，頻率響應達8Hz~26kHz，低音表現不俗，人聲跟樂器聲亦算清晰。外形方面，耳機走簡約路線，表面以兩組同心圓柱體組成，聽歌時兩層之間更會透出淡淡光芒。細位亦做得有心思，仿皮耳墊戴得舒服，而且耳殼至頭箍的接位更用上全透明膠製造，感覺有型。