爛劇王占美最新影評:《異空戰士》打機片無限復活 機迷一定有共鳴(含劇透)
| 冇期望，反而覺得幾好睇，無限復活打機咁，呢個位被打死，下次再來，記得跳高避開，重複又重複，導演算拍得唔累贅，仲有唔少笑位，大橋段就離不開一貫湯佬式英雄救地球，由貪生怕死少校，逐漸變成不怕犧牲救世大英雄，逐漸變亦得，得咗!!! 片場113分鐘，2D早場50元，我收貨，爆谷片嚟講，夠娛樂性，但打怪獸場面其實只佔一半左右，仲要斷斷續續，不過如果我係片中湯佬角色會發癲，死完再來，仲要記得，除非違規，否則無限loop，最搞笑係，所有同袍講過嘅說話，會點死，統統記得一清二楚，同人講我一早知之後會點，D人就當你痴線，試過比人封住把口，或者捉入青山，好啦，想積極D救人，點知變咗同人擋子彈，又死，下次再嚟過，行多幾步，又無厘頭比架車撞死，冇得停，只能夠不斷loop，儲經驗值，直至爆機為止，結果似層相識，外星人造型同件盔甲，都好似MatrixD八爪魚機械怪同護城兵，講咁多，總之機迷一定唔好錯過，包補發出會心微笑，入場啦 |
發表於 2014-5-29 09:21 PM
| 
