來源:東方日報
英超今晚重開大戰連場,主場十連勝曼聯迎戰「喜鵲」紐卡素鑊氣十足,紐卡素英足總連史篤城都贏唔到,領隊「大Sam」艾拿戴斯遭辭退,依家球隊人人自危,今晚作客奧脫福隨時被大炒,「紅魔」曼聯主W乏味,大盤有1.6倍較可取。(now 632周日凌晨1時15分直播)
艾拿戴斯過去執保頓,一直好成功,好多「失意軍人」佢手上更獲重生機會,由於領導有方,一度成為英格蘭隊領隊候選人,可惜自從八個月前過檔紐卡素後,大Sam領袖魅力唔見晒,會方亦經常對球隊時好時壞成績指指點點,日前更係毫無先兆之下將佢炒魷。
大Sam遭遇,阿古只能慨嘆一句時也命也,佢無疑係一位好頭,卻未能應付大球會中複雜人事問題,從紐卡素近年換咁多個領隊所見,就知呢隊波麻鬼煩。
代領隊皮雅臣頭炮送死
怒炒領隊後,紐卡素球員反應如何,實在難以預計,但相信都係負面居多,事實上該隊在聖誕新年檔期三連敗,上場足總盃更幾乎被英冠隊伍史篤城淘汰,代領隊皮雅臣領軍第一擊就係作客曼聯,實在唔睇好。
曼聯近期保持得唔錯,快車賽程四戰三勝,足總盃亦擊敗阿士東維拉,球員輪流上陣唔會吃力,泰維斯、朗尼、沙夏等前鋒狀態甚弗,紅魔鬼主場已經十連勝,對賽往績又食住對手,贏面甚高。
非洲兵缺陣考起紐卡素
紐卡素受非國盃影響,謝列美、比耶等非洲兵暫時離隊,令球隊兵源緊張,反觀曼聯則不受影響,雙方實力更懸殊,阿古唯一顧忌,就係紐卡素奧雲已經復出,呢位前鋒好有鬥心,唔可以睇死佢,今場紐卡素輸波未必會食蛋,買大較穩陣。 |