五、六十年代，香港好流行賭字花，字花的玩法是有三十六個古典人物，每次開一個，投注者下注買一個古人，如果買中就一賠三十。
字花莊家表面上食你機會率，其實睇住來開食夾棍。所講食機率，就是理論上是三十六開一，有三十六分一中獎機會，但字花不是一賠三十六，只是賠三十，長賭下去，機會率已經贏晒。這還不止，字花莊家表面上先定一個謎底，其實是睇住投注來開，專揀少人買的古人開，大殺三方。字花除了做足宣傳引你落疊之外，還睇住投注者的注碼搬龍門，自然食到笑。後來政府打擊非法賭博，就搞出六合彩，用更透明的賭法來打低字花。
你睇完賭字花的故事，可能會問點解咁搵笨都有人賭呢﹖ |
發表於 2008-5-30 02:42 AM
| 
