[股票] 核心溢利瀉42% 利豐認衰棄三年計劃

chin2009

經營模式屢受市場質疑的利豐（494），去年核心盈利錄得近年最大幅度倒退，進軍逾七年的分銷業務更見紅，主席馮國綸更罕有地認錯，指是利豐「做得唔好」，最後搞到要將蝕錢的美國分銷品牌斬纜，又要裁員兼搬辦公室救亡。利豐更首次宣佈放棄三年計劃，承諾今年業務「一定會復蘇」，目標重回2011年時最高峯時水平。
記者：吳綺慧　陳健文
有外資分析員表示，如扣除利豐今次為美國品牌分銷業務（LF USA）重組而錄得的3.52億元（美元．下同）額外開支，公司今年要重回2011年利潤水平的機會是存在的：「管理層話今年LF USA只需book多3,000萬元重組開支就夠，但管理層講過咁多次會復蘇，最後都搞成咁，你真係唔知再信唔信佢好。」另一名分析員則預料，雖然有券商須再調低今年的盈利預測，不過早前的沽空盤或會先平倉獲利離場，故不排除會利好今日股價表現。


利豐去年「出事」的火頭，是開展了僅七年的LF USA。集團多年來東征西討進行大量收購，卻一直沒有有效整合這些公司，導致最後問題一次過爆發。


馮國綸表示：「LF USA是收購20間公司所組成，我哋一直無好好要將佢地打造成一間公司，好多架構、職位重叠。我哋上一個三年計劃（08至2010年）其實就應該要重組，但遇上金融海嘯冇做到；點知今次一做，遇上消費大環境唔理想，同埋我哋必須承認，係自己做得唔好，要產生咁多重組額外開支。」


馮國綸堅持不是利豐經營模式出現問題，亦並非過往收購「太濫」：「係我哋冇好好absorb（吸收）收購回來的公司，如果做得好啲，唔會出現今次的問題。」利豐去年底已撤換LF USA主管，並決定把後勤總部搬出紐約「慳錢」，亦會把部份營運遷回內地兼且裁員。行政總裁樂裕民強調，今年美國以至整個分銷業務，一定可以回復盈利。去年利豐整個分銷業務共蝕3,900萬元。

■馮國綸表示，今年利豐在美國不會再進行收購，其他地區則「睇機會」。　梁志永攝

末期息跌53%　暫不配股
今年是利豐三年計劃中最後一年，原本其目標是核心經營溢利達15億元，但去年只得5.11億，僅達標三分之一。馮國綸亦向現實低頭，首次承認已放棄這計劃，今年目標改為重回2011年的業務水平。


馮國綸表示，今年利豐在美國不會再進行收購，其他地區則「睇機會」。樂裕民就表示利豐今年不會配股融資，除非遇上大型而有很優質的收購機會。利豐去年全年收入僅升0.96%，至202.22億，核心經營溢利瀉42%至5.11億元。而末期息亦大跌53%至16港仙。