曼联1：1战平扑茅
我係从上半场30分钟睇起，错过咗史高斯的精彩入波
睇返慢镜个入波好靓，史高斯后杀上大禁区顶远射破网
个失波亦没野好讲，扑茅个球员从大禁区外走到入12码点附近都係完全没人mark的，呢个波同曼联中场中路的球员好有关係，具体係边个没响果个位置出现，我就睇唔到了。如果夏格维斯响度，我林呢个波或者唔会失。宜家曼联的中场中分工唔係太明确，成日都会出现齐上没人落的局面，令到曼联后防线压力太大。如果夏格维斯仲未打得，费sir就应该同卡力克and史高斯讲清楚，分工要明确返D，一个上一个窦住个位。
至于攻击，都係老问题，宜家曼联好多突破，无论係C朗定係nani，突破都有一定把握，但係突破后点样出嚟个波就係问题关键。今日曼联出波同上一场一样，基本上係瞄准只脚去的，而且曼联宜家角球都没上赛季的威力，因为队队都加强咗对维迪的防守。今日曼联唯一一个算係有威胁的运动战头槌居然係rio从到上大禁区顶附近顶的，可见曼联宜家真係需要返一个高点去丰富攻击线。宜家曼联突破后出波基本上就係地波、中腰，对方守卫根本上就唔係判点，纯粹係睇住你D人的位置，然后压住你个位，等你拿唔到波就係。而且由于中间没高点，曼联D边路球员出波没太多选择，而且出高波基本上就係同解围没异。因此曼联的攻势就变得好单调，互传——突破——地波——被解围，互传——突破——远射——被挡出，呢两个基本上就係下半场的主旋律。上赛季曼联係靠丰富的攻击体系去击败对手的。但係今赛季的曼联打法反而变得简单了，令到对方防守更加容易了。
希望费sir可以买个中锋放响后备席，如果唔係，类似呢两场波的情况会不断出现，对曼联夺冠之路亦会产生影响，我地宜家已经落后车仔4分了，后面的任何失分对于我地嚟讲都係毁灭性的。
至于C朗红牌，没野讲，睇唔係太清除，应该係给人激嬲咗，不理智咁推人。C朗其实都好抑郁，自己突破后发现对方的禁区係密密麻麻，只有一个tevez孤单一人埋没于人海之中，传又传唔到，唯有射咗佢。佢有波都射得好靓了，可惜tevez执唔到。可惜因为呢个红牌，我地至少响曼彻斯特打比见唔到佢了。希望费sir可以趁机给多D新人试下脚了。唔好次次都奥沙了，佢唔係次次都咁好彩的…… |
發表於 2007-8-16 05:01 AM
| 
