wlt1110

北倫敦打迎聖誕 兵工廠頭盤起刺

英超早場北倫敦打阿仙奴主場對熱刺預祝聖誕，兵工廠主場出擊已係「餐士面」，熱刺近績雖好，但防線傷兵同停賽問題嚴重，加上佢周中英聯盃出「夫添」，阿仙奴只用副選，今場點計都係阿仙奴贏面高，主W有1.45倍穩陣，阿古要埋「讓球主勝」。（now 632周六晚8時45分直播）

　　阿仙奴上輪聯賽擊退車路士，僅以一分優勢頂住來勢洶洶曼聯，雖然聯賽爭霸戰仲有排鍊，但先決條件係主場盡可能唔好失分，阿仙奴贏完車仔，當然要食住個勢再贏熱刺。兵工廠阿聯酋航空球場戰績可靠，聯賽加盃賽十四戰錄得十三勝一和，暫時只有曼聯能夠全身而退，兵工廠開出主W問題不大。

　　熱刺周中盃賽搏殘

　　今場另一有趣之處，就係兩隊周中同樣在英聯盃上陣，遭遇亦相似，都係作客兼一人被逐之下淘汰對手，不過對今晚戰局影響就有好大差距，阿仙奴係用副選球員踢盃仔，主力球員可專心備戰聯賽，即使十人應戰兼踢埋加時先至贏波，對球隊絲毫無損，熱刺就唔同，佢出夫添打破曼城主場長勝金身，全場搏到盡，體力消耗極巨。

　　咁都未算，熱刺本來已經鬧緊後荒，京治、加里夫巴利、伊高圖都要長期養傷，近期被迫以科特迪瓦中場索高拿串演中堅，點知索高拿英聯盃雙腳飛剷領紅牌，賽後上訴亦告失敗，今仗停賽，熱刺作客阿仙奴冇正宗中堅，更加守無可守。

　　阿仙奴同熱刺中前場組織力不相伯仲，不過阿古對兵工廠法比加斯、希比同路斯基呢個三人組合有強烈偏好，熱刺防線人腳不足，更利兵工廠發揮。

wlt1110

阿仙奴倫敦打比鬥熱刺

週六晚的英超賽事，阿仙奴將在主場迎戰同市的熱刺，上演倫敦打比大戰。

　　被曼聯追至1分的阿仙奴已沒優勢可言，幸好球隊上仗力挫勁敵車路士，士氣不俗，今仗將可乘勢拔「刺」。陣容方面，華確特膝傷未癒，今仗將會缺陣，但對車路士一役缺陣的E.艾保爾傷勢無礙可以復出，至於聯賽盃休戰的加拿斯、費比加斯和雲佩斯等人料會重返正選。

　　作客的熱刺接連擊敗前列球隊，取得兩連勝，可見球隊已逐漸重返正軌，狀態回升下相信今仗有力與阿仙奴一戰。陣容方面，D.賓特、列卡度洛查、當臣和真拿斯因傷上陣成疑，而停賽的索高拿、養傷的A.加拿、伊高圖和G.巴利則肯定缺陣，好消息是洛比堅尼停賽完畢可以復出。