哈哈!又一次见到Honbi兄嘅专业分析!
阿仙奴球迷会有Honbi兄,
係我哋嘅福气!
冇错!Wenger的确唔擅长打"淘汰赛"!
往往我哋可以有更高嘅控波率,
但就唔能够赢波,我o念Wenger都应该知道我哋嘅缺点就係乜!
阿仙奴已经有一排唔能够用流畅嘅传球来制造入波!
就攞对垒波顿果场,
如果Fabregas唔係Try-Luck,
试下远射,我o念阿仙奴仲唔能够赢波!
其实呢几场我都见到阿仙奴球员嘅Shoot-on-target慢慢增加咗!
但如果攞车路史,曼联来比较,
我哋仲唔算多!
阿仙奴点解唔"起脚"呢??
我o念好大关系係因为Wenger唔想白白失去"控波权"!
但如果净係交波而唔射波,
我觉得"控波权"都好容易俾人哋抢返!
尤其是每次交俾前线球员,
都好易俾对方抢到波!
原因係因为我哋前锋已经俾人哋Mark死!
除非Henry仲侅度。。。。。(但Henry都唔係神仙)。。
依我所见,Torres,Kuyjt係利记最有机会入波嘅球员,
Torres有技术+速度,而Kuyjt就肯博肯追波来制造空间/机会。
而Gerrard更加唔驶遘,係利记名副其实嘅Playmaker!
但我认为如果要限制Gerrard嘅发挥,
Wenger至少需要两位球员来Mark佢,
但我认为Wenger一定唔会咁做,
因为已经破坏咗自己嘅进攻/防守队形。
至于Second Leg,
如果阿仙奴能够领先,
我o念过关嘅机会係好大!
但如果万一真係落后,
咁就要睇利记嘅防守到底有几稳暂啦。。。 |