[其它] 港將燕燕僅輸失牌

喺日本伊豆舉行嘅亞洲單車錦標賽，噚日上演女子青年公路賽，香港代表李燕燕以2小時19分55秒完成71.4公里，但衝線嗰陣以不足一秒屈居日本車手細谷夢菜之後，只得梗頸四，真係好可惜。今日香港女子代表楊倩玉，會聯同逄瑤、梁寶儀及孟昭娟，出戰107.1公里嘅公路賽，佢哋仲會喺下周二出戰場地單車嘅團體追逐賽；至於前日贏咗一金嘅張敬樂，聽日就會出戰男子公路賽。