[千奇百怪] 世界各國千奇百趣元旦習俗！你聽過幾多？印度喊住過年 蘇格蘭人擺錢喺門口？

manyiu

2021年12月31日

新年快樂！踏入2022年新年，大家今年有咩計劃呢？雖然目前仍然未去到旅行不過希望2022年內可以通關啦，但點都好今日同大家介紹一下世界各地某啲奇怪元旦習俗，大家當自己去咗旅行啦！

1. 土耳其 摔石榴去門口
土耳其人非常喜歡石榴，鮮紅多汁又鮮甜，寓意健康富足，所以每年一踏入元旦一刻家家戶戶就會將石榴摔於家門口前，代表來年豐盛健康。不過由於清潔困難，好多戶人目前都只係簡化咁張石榴汁灑一灑做個意思就算喇。



2. 哥倫比亞落街行大運
哥倫比亞人好喜歡去遠門，元旦亦唔例外，通常到會去旅行，不過就算真係要留喺屋企，當一踏入元旦12點後都會即時拖行李喼離開落街行個大運，個喼仲要係空嘅都可以，寓意嚟緊今年充滿冒險及外遊機會呢！



3. 阿根廷食全豆宴
元旦當然有唔少習俗關飲食事，其中阿根廷人就會食全豆宴，因為豆含有豐富蛋白質及膳食纖維，更重要係相信可以「保住飯碗」，於是元旦就會食用豆類製成各種食品，希望來年事業運上升呢。



4. 印度先哭為敬過元旦
印度作為大國，唔同地區都有唔同習俗，某啲印度地區元旦唔可以發脾氣，更加唔會慶祝而係以哭作為新年活動，因為新年代表「歲月短暫、時間流逝」，所以用哭聲表示感歎，互相擁抱大哭呢。



5. 法國無酒不歡必須飲清光
法國人鍾意飲酒大家都知，原來每年從除夕開始法國人就會開始派對飲酒，一直飲到1月3日為止，而且習俗必須將全屋所有酒類飲清光先可以！另一點有趣嘅係原來法國人嘅元旦係1564年先改為1月1號，之前一直係4月1日號呢。



6. 蘇格蘭放錢於門口一見發財
蘇格蘭人習俗就比較似中國人，佢哋希望來年有財運，於是每年除夕就會預先將現金於家門口，等元旦一早打開門就見到門前有現金，寓意一見發財。最難得係呢個習俗就算有小偷或流浪漢見到都唔會拎走呢。