大個仔啦！转頭睇反D前塵往事，同大傢分享下。

，描述：絕對原創

本帖最後由 casl000 於 2011-9-29 09:46 AM 編輯

ME 廣州人頂硬頭皮打繁體系因為怕D同胞睇唔明。如果打錯字千万唔好介意。多多包涵！

今年28歲，男人，結婚都2年咯，個女都歲半咯。

前塵往事，就梗系D感情戲啦！

話說，情竇初開！我小學生果時就識得去追女仔，我自己都唔系好明，可能呢D就系老師講既好感啦！

我小學一年級，就即系7歲果年，第一日番學，就睇見到成個班22個女仔當中，唯獨有一個我真心覺得距靚！【我地將呢個女仔命名為 A君】

我自自然就去同距做朋友啦，千方百計放學同距一齊行啦，想辦法知道距生日啦，送禮物啦，之類～甘理所當然我地做左好朋友！

遺憾既系可能當時太細思想又唔多成熟，我同A君一直到小學畢業都只系好朋友，無乜進一步。

中間有個小插曲，某次課間休息，A君同一班女生一如既往同一班男生玩，今次距地玩剪頭髮！當然，都是一條一條剪，開始系比邊個頭髮比較黑比較粗，后來一衆女生系A君的帶領下向我頭髮發起總攻擊！瞬間我頭髮被剪左唔少！當時我惱羞成怒，搶左把剪，一下就剪左落A君條馬尾度......我做完先知道錯啦！大錯特錯啦！我后悔都來唔切，A君頓時變成淚人！我點勸點自責都無用！到左第二日，A君番學，距剪左個短髮......我難過到想埋左我自己！自此之后A君就好少留長髮......不過過左一段時間，A君總算原諒左我。

甘就到左初中啦！即系13歲！

機緣巧合之下我去左另一個區既重點中學讀書，心想“同A君緣盡于此”之際，A君比電話我，距竟然同我系同一個中學！不過就唔同班！

哇仲唔系緣分？！我系度解釋下，成個廣州小學升初中分三等，第一等最叻仔果D就會保送去重點中學讀書，第二等一般叻仔果D就推薦生，推薦去一間重點同一間次重點中學，邊間收你就睇你造化，第三等就系其他。

當時我屬于第二等，同A君一樣，但系，小學升初中從來都好少話有得跨區，跨區就讀要好多條件，可以跨區讀重點既小朋友就真系仲少過中國D大熊貓！

系甘既情況下我同A君緣分可以繼續，當時真系謝天謝地謝晒所有人全傢！雖然我同A君唔同一個班，而且我系二樓，距系一樓。但系每次課間休息，我地都會有默契地，我系走廊圍欄，向下望，距系下面樹頭，向上望。雖然，無言語上既溝通，但就好似心靈相通一樣，感覺好好！真系好好！至今我都回味！

就系甘過左一年，我同A 君始終仲系好朋友。到左初二果年，一個聽講仰慕左我好耐既女仔突然同我表白【我地將呢個女仔命名為B君】

當時真系手足無措，畢竟第一次遇到呢個問題。我當時無乜思考，就甘應承左。但我后來至知呢個可能系我一生最大既錯！我竟然在果一刻無林到A君！傢鎮想起都后悔！

B君：相貌平庸，性格偏激，可能因為距系單親傢庭長大既緣故，又因為甘我好多時都盡量遷就距。

但系噩夢般既生活開始左，B君事無大小一律問長問短，我同每個女仔談話內容一律必須滙報，零用錢點花費都必須一一列明，最終我頂唔順啦！我同距講左分手！！當時B君簡直痴左一樣！但我都無心軟，當時我覺得自己相當殘忍！不過唔知邊個同我講：對人傢仁慈多數情況都會變成對自己殘忍！

同B君一齊總共一個學期左右，好短暫，雖然唔乜留戀，但始終有走過呢段路。

唔知系咩原因，當同B君結束左之后無幾個月，有個女仔特然借左只CD比我听，仲話要仔細听，我傻傻下甘挪左反屋企，打開只CD 見到封信，原來系表白信！！【我地將呢個女仔命名為C君】我自認唔算靚仔，但都唔算醜樣，性格有D搞笑之外完全無優點！

當時真系受寵若驚！但為左令B君死心,我甘就應承左！但我后來發現呢個可能系我一生最大既錯！第二次！我竟然又無想到A君！真系要撞頭埋牆先會醒！

同C君一齊，比較平淡，比較自由，比較輕鬆。C君是性格十分開朗。我地相處很融洽，直至初中升高中。

初中三年轉眼就過去，好快就升高中！
我好好彩，成績唔錯，原校昇讀！B君C君成績比較差，只可以昇讀比較差既高中，而A君成績雖然不錯，但不能原校昇讀，去了另一所重點高中就讀！我一直以為A君去左第二十一中學！其實A君就讀是第二中學！而且直到我讀大學先知道！唉...我都唔知自己有咩用！

就甘樣我同ABC君分開了。過左一段時間，同C君聯繫都少左，慢慢就變反普通朋友，最后就變成陌路人，同C君平平淡淡的開始平平淡淡結束左。B 君都再無聯繫我。至于A君，我竟然將聯絡既信（當時電話唔算十分普及）郵寄到第二十一中學，A君自然收唔到！雖然偶爾可以通個電話，但某D話好難用口講，而且隔住個電話。我一直以為距可以收到我的信，慢慢我覺得我都無乜希望，聯絡都也就漸漸少左。

收藏分享評分

回復引用

訂閱 TOP

casl000

星級武將

Rank: 10

2^#

發表於 2011-9-29 09:44 AM | 只看該作者

到左高中！16歲！

高一開學！好多新同學，有D同我一樣本校昇讀，有D其他學校考入來。好多新面孔！話甘快，開學第一日結束了。
當時我學校外面整高架路，平時行開果條路已經行唔到，唯有同個朋友踩單車兜后門走，行行下，迎面一個女仔踩住單車過來，依稀有D印象系同我同班既新同學，我同朋友都唔系好識路，所以就開口想問路。“同學！～同學～！” 呢位同學貌似听唔到，飛一般同我擦身而過！果日我同朋友兩條友足足兜左成個鍾先番到屋企，呢位【同學】被我記住左！～【照例我們將這位同學命名為D君】

第二日，當然找到這位D君，講左昨日既事。當時距話距根本聽唔到，我～無言～，之后我地仲頃左好其他野多野，原來距系由第四中學考過來既，即系我阿媽就職的中學，又多左小小話題，之后我地兩個甘就做左好朋友。

高中生活多姿多彩，由于自身喜好，我入左學生會，同D君一齊。個人能力比較出眾，好快我地兩個就躋身幹部階級，我地主要負責文娛方面策劃、統籌、執行，例如：學校歌唱比賽，文藝節，牆報評比...慢慢我地接觸越來越多，關繫都越來越密切。

終于有一日，我地週末番學校佈置藝術節場地，中場休息果陣，D君問我“點解你對我甘好？” “有咩？話唔定我中意左你！” 我當時純粹講笑，不過我確實對D君有小小好感。“甘你做我男朋友啦！”“哈？....真系？” “真！” 我同D君就甘開始左。

D君：身材高挑相貌較好（雖然我很多朋友都話距丑，但至今我都覺得距唔錯）性格開朗工作傚率高做人現實交際能力強胸部平坦（我覺得有必要寫明呢個，唔好問點解）

同D君一齊，慢慢發覺D君個人魅力好犀利！我感覺自己真系比距迷住左，而且慢慢越來越深，無法自拔。亦因此A君被我選擇性忽略了…

某年的某月21號，我同D君第一次擁抱，緊緊感受彼此體溫，我第一次同異性甘接近。某年某月的24號，我同D君接吻，我第一次，原來唇部与唇部的接觸會帶來如此快感，我果陣先知道。

一切都好順利，一切都好美滿，甚至有時我覺得，我地變成高中學生情侶既典範，甚至有同學會衷心祝福我地，希望我地真系可以白頭到老。而我，都系甘認為。
….
光隂似箭日月如梭！好快高中三年進入最后一年！高考！人生第一大難關！當時我由于醉心于學生會工作（當時我貌似已經是副會長級別），沉醉于与D君的快樂与美滿中。成績不知不覺間下滑左好多，從上一直往下，直到墊底。

但我依然樂觀，因為我有D君，我有運，我有我想要既一切。當時我系甘認為...

考試越來越近，我開始覺得有多少唔妥，我就同D君提出，我地暫時唔好行得甘密，各自奮鬥準備高考，高考完左我地再系埋一齊。出乎我意料，D君好快應承了，只問了一句，“有必要？”“我覺得有。”

好快，第一次糢擬考試！成績出左來，不出所料，我成績連一般大學都好難上，而D君就系前列水平，上一流大學絕對無問題。挪到成績后，我好惊！惊失去一切，惊考唔上大學！我打左電話比D君“你會不會因為我考不上大學而同我分手？” ，“你唔好考慮太多，休息好調整好心態。到時先算啦。” 我依稀感覺到有一絲冷淡。我都唔知講乜好，只好收綫。

終于，有一日在高考前的某一日，有朋友同我講：“ D君同某男生行得好密，你知唔知？”“我叼啊！咩話？...咩話？？” 當時我唔信，絕對唔信！我同D君一齊甘耐！無理由！

我無馬上問D君講呢件事。而D君確實就好似無事一樣繼續同我有講有笑。可能系D人亂講，我系甘樣安慰我自己。

最后高考成績出左，我僅僅上到大學，二流果只，D君同預測一樣上左省的重點大學。我打電話比D君，講左我錄取情況比距知，換來一句 “我地不如做番普通朋友啦。”，“.....噢，系甘，我收綫啦，拜拜”。

我收左線，傻傻甘坐左5分鍾之后再比電話D君“你講笑既～唔好玩啦”，“我唔講笑，當時你話有必要分開一下，但分開之后，我覺得我地無必要再系番埋一齊。”，“....噢，系甘，我收綫啦，拜拜”。我真系唔知講乜好……

我又收左線，....，我特然想起當日同我講：“D君同某男生行得好密，你知唔知？”果條友，馬上比電話距，我終于得知原因，遠在高中最后一年，某個二月份， D君已經同該男生關繫非一般，並且很快發展到近乎情侶。

原來我比D君瞞左足足一年有多，早在一年前，D君既心已經不再只屬于我，我打左電話比D君，問點解。距話當時唔想影響我高考....

我甘就上左大學，果陣我意誌好消沉，覺得成個世界都黑色。做人無咩樂趣。性格開始變內向，與人交流都少左，變左做完完全全宅男！

好在好多高中時既同學仔朋友仔都好關心我，知道我出左咩事，經常約我打波，約我去行街，約我去吃野...我好多謝距地，無左距地我可能變神經病，自閉症。呢班同學仔入面包括【最終君】即系我現在的太太。

【最終君】還沒有機會上場，等下再講。

我好艱難甘度過左大學第一年，系呢一年入面，又有女仔向我表白，呢個女仔同B君有D相似，單親傢庭長大，性格也比較偏激，但比B君靚，性格都稍微溫和一點點。若非我仲未從D君隂影里走出來，話唔定我就應承左。

但最終同呢個女仔無任何進展，我就唔講啦。

系呢個時候，我點會忘記左一個人----A君！我從某途徑得知A君考入左某市重點大學，于是打電話比A君一來恭喜一下，二來訴下苦。電話內容比較平淡，無非我高中生活如何，包括D君既事情，我覺得A君可以為我分擔一下，畢竟做左甘耐朋友。然而，A君的確幫我開解左好多，我都安樂左好多，并且得知A君高中系第二中學！唔系第二十一中學！！！我當即呆晒，覺得自己一無是處！真既！唉，到頭來一場空。

同A 君通電話的第三日，突然收到A君的來信！沒錯！是信！！手寫的信！！內容前半段是安慰我的說話，讀到后面特然睇到有一句“你知唔知我從入高中開始一直等妳等到現在。”！！，我成個人呆晒，成個木頭人甘企系度...好似比個雷劈中頭頂一樣！！！“你竟然以為我讀第二十一中學！”....我徹底崩潰！我真應該將自己埋住，等變干屍！然后比人挖出來再鞭屍！

我睇完信后，即刻比電話A君，電話通左...“對唔住”我第一句只可以講出呢三個字，過左好耐我都講唔出第四個字，個電話靜左好耐，“算啦都過左去啦。”我想同距講，其實我第一封寫去“第二十一中學”既信就已經向A君表白左！但我甘講就實在太厚顔無恥，而且無從稽考。“宜傢我可唔可以為妳做番D野來彌補？”，“你好好甘生活，過得好就得啦，唔需要彌補D咩，你又無欠我。”，“....多謝你！”我忍住眼淚講左再見。當晚我徹夜難眠，坐住到天光…

后來得知當時A君系大學同一跆拳道協會師兄拍拖了，最后距地亦左結婚。我同A君就甘樣，永遠只能成為最好的朋友了。

到大二果年，D高中朋友依然甘關心我，甚至幫我介紹女朋友！我自己都嘗試過，都失敗告終。但我已經不再心灰意冷，某日得知【最終君】系某次籃球比賽中嚴重受傷！膝蓋骨受創！我立刻想到要盡自己所能幫距！

【最終君】當時身處某國傢級重點大學珠海校區，而我身處增城，兩地相隔頗遠！我可以想到既只有租部車去距學校，然后接距番屋企，但最后被距婉拒左。經過呢件事之后，我同【最終君】聯繫慢慢多了，慢慢我發現我自己喜歡上【最終君】。

【最終君】相貌端好為人開朗聰明孝順賢惠善良包容

某年九月第二日，某次QQ通話中，我突然同【最終君】講 “做我女朋友啦！” “真嘎？我好大花灑嘎！你頂唔頂得順嘎？”，“多多都得！”之后我比左電話距，距親口應承左，“試下先啦！”…比我想象中簡單…

某次送【最終君】反屋企，過馬路果鎮，我拖住左【最終君】只手！果一刻我希望能成為永遠，果一刻我同【最終君】成為真真正正既情侶！

后來大學畢業左，我同【最終君】相處左3年，呢三年入面我發現【最終君】各種各樣好，我都全身心投入呢段感情入面。試過一齊去遊樂場玩機動遊戲，我膽細好多都無玩，【最終君】乜都試過晒，好無面。試過去遊戲中心打機，【最終君】發現我好中意打機，后來距竟然陪我一齊玩《魔獸世界》。試過一起去遊水發現【最終君】身材上好！我依然好細膽，垂直滑梯唔敢玩。試過同【最終君】系大學入門深夜談情，結果我唔見手機！.....仲試過好多好多….

某日我終于向【最終君】求婚！帶齊感情，帶D煽情，帶D感動，帶D詭計，我成功左！！！

某年我的生日，我同【最終君】到民政侷領證！同年的10月某日我們宴請了親朋好友！

故事就講到呢度啦。

多謝大傢收睇！

回復引用

TOP

lhy92725