可能大家覺得佢唔係一個技術好好既球員, 但其實佢既足球係踢出好高既技術水平
冇錯, 佢扭波係麻麻, 速度亦都唔係好快, 但哩兩樣不足無阻佢成為一個超級球星
謝拉特既足球可以用兩個字黎形容---"全能"
究竟邊一個先係謝拉特既最佳位置呢? 左中場, 右中場, 進攻中場, 正中場定係後上前鋒呢? 通通都唔係! 佢係一個中場自由人!
當球隊需要人分波, 佢就係進攻中場; 當邊路有空位, 佢就係翼鋒; 當前線有入球機會, 佢就係後上前鋒; 當中場需要攻守樞紐, 佢就係正中場
可能有人覺得好多球員都可以打到好多位(eg. 菲臘仔), 但佢地並唔係等於全能. 足球比賽進行期間, 形勢發展變化萬千, 要o係千鈞一髮了解當前形勢, 正正係代表住最高水平既足球. 哩方面, 謝拉特永遠睇得比人快, 睇得比人準, 睇得比人更一針見血, 了解敵人既形勢, 了解己隊既形勢. 所以佢既走位會出現o係
最適合既地方, 傳送亦恰到好處, 而且不斷切換位置, 令敵人防不勝防, 亦令己隊魚魚得水
當然哩一切有賴出色既基本功同身體素質支持. 永不言倦既體力令佢o係場上無往而不利; 傳送功夫到家, 頭球出色， 射術一流兼具重炮腳頭同埋不俗既護球能力都成為佢全能足球既重要基石.
頭腦視野 + 身體素質 + 紮實基本功三者完美結合成就一個高水準同高技術既近年最全面進攻球員.
識得欣賞謝拉特, 證明你對足球有另一層體會
講中哂
呢3段好正 |
發表於 2008-7-22 08:36 PM
| 
發表於 2008-7-25 09:15 AM
| 
