電壓不穩既後果

以下係小弟既親身體驗,一直玩下音響, 對電係冇乜要, 覺得行得走得, 唔需要花錢係電力裝置身上,
但係過往一年就令我改變了對電既睇法.
電壓不穩, 係一種慢性毒藥, 慢慢令家中健康既電器變壞,
由NAS, blue-ray player, PS3, 全部都遭殃就開始意識到個問題係電. (非常慘痛)
香港地潮濕, 牆身插蘇, 電線, 拖板都會受到各種因素影響, 而導致供電不穩, 電器壽命減短.
所以提提大家, 發覺家中有電器傻傻地, 就去檢查下, 可以就換下新既供電設備.

當然, 最大既享受係音質係會好聲左, 強而有力, 細緻感覺全部都可以感受到 ^^