今年雨水少，換轉 60年代，分分鐘玩「制水」。家下香港有東江水照住，水費也屬世界級低水平，不過，話你知識得換個 1級慳水花灑，一個四人之家，一季水費可慳百幾二百蚊，做乜唔換先One Touch省水閥
要慳水，識揀慳水設備好重要。家居以一般清洗、冲凉及洗衫耗水最多，若水喉大開，等於用珍珠奶茶吸管飲 250毫升檸檬茶，兩啖就飲完，好唔見使！水務署自 09年起推出「用水效益標籤」，鼓勵花灑、水龍頭及洗衣機三個家居用水設施的生產商申請，通過測試分等級，以水龍頭為例，每分鐘出水少於 2公升可獲第 1級，即最慳水，出水 2至 4公升屬第 2級， 4至 6公升屬第 3級， 6公升以上則屬第 4級。若家中使用流量大水龍頭，唔想花錢換，加個省水閥就得。 3M One Touch省水閥，原理為駁上水龍頭出水口，令水流泡化，即係打入空氣，令水力不變，但就大大減少出水量。
小測試放大圖片
 
3M One Touch省水閥共有 3種型號，分別聲稱省水能力達 45%及 84%，我們就來個小測試，將水龍頭水流量調至最大，用量杯盛水 3秒，即睇水流量結果。
未安裝省水閥： 3秒出水約 720毫升
放大圖片
總結：慳到！雖然效能同產品聲稱有出入，不過仍然慳到至少三成。而且水力足，完全唔覺水流變慢，好用又易用。不過，由於省水閥會影響水壓，如果水龍頭為冷熱水款式就唔建議使用。
放大圖片
3M One Touch省水閥，省水 84%花灑型$133、省水 45%氣泡型$133、省水 45% 360°旋轉出水嘴$222/a
1級慳水花灑
係人都知花灑浴比浸浴慳水，而使用 1級用水效益標籤花灑，用水更可少八成！傳統花灑每分鐘出水 16至 25公升，如被評為 1級慳水花灑，每分鐘出水量等於或少於 9公升， AQUAmate Eco Shower就係其一，每分鐘出水量低至 5.9公升。假如冲凉 10分鐘，一般花灑耗水 160至 250公升， Eco Shower耗水 59公升，只係 3用水量！不過，選購呢類花灑必先了解家中水壓，以免因為在低水壓下使用低流量花灑而易影響熱水爐的運作。
放大圖片
放大圖片
■屬慳水之霸 AQUAmate SH0128332三段式花灑頭，每分鐘出水量 5.9公升，有花灑、氣泡及按摩功能。$165/d
解讀「用水效益標籤」放大圖片
水滴標示： 1滴水代表第 1級、 2滴代表第 2級，餘此類推，共分 4級。
效益級別：第 1級代表用水效益最高。
耗水量：每分鐘出水量，以公升計， 1級慳水約等於或少於 9公升。
水錶跳得快，檢查喉管滲漏！已減少用水，但水費持續高企，即有可能是牆內或地下水管滲漏。理大機械工程學系工程師盧覺強教路，想知水管有否漏水，可先把全屋水喉關掉，觀察水錶，假如水錶仍在跳動，即表示有喉管滲漏。盧又指，使用食水的馬桶水箱亦可能有漏水問題：「不要看輕一點點水，每天滴，一個月也佔一、二百蚊水費！」要知水箱有否漏水，可在水箱滴幾滴食用色素，如馬桶水箱有顏色水滲出，即表示有漏水要修理一下。
Eco Wash洗衣機Panasonic的 ECONAVI型號洗衣機同獲 1級用水效益標籤，即每分鐘用水量等於或少於 9公升。其節能技術厲害之處，在於能偵測衣服的重量及水溫變化，自行選擇最合適的用水量及洗衣時間，用水量及用電量分別可減少 40%及 45%，慳水又慳電！特設花灑式噴嘴能快速將水及洗衣劑滲透衣物，進行徹底清洗，打破「少水洗唔乾淨」的定律。
放大圖片
■ Panasonic NA-140VG3設 Speed Wash及 Eco Wash兩種洗衣模式，可分別縮短洗衣時間及用水量，慳水慳電！$6,480/b
放大圖片
■意大利家麗 GL706KM洗衣機分別取得 1級能源及 1級用水效益標籤，耗水量每分鐘 8.6公升，歐洲原廠，堅固耐用。$3,190/c
其他慳水貼士：1.把全轉式水龍頭換成 1/4轉水龍頭，唔俾你扭大水喉，自然慳到水。
2.以橡筋套入水龍頭開關，不停打圈令橡筋變緊，用橡筋的阻力令水龍頭不易扭大，變相慳水。
3.調整馬桶水箱內的浮波螺絲可控制水箱儲水水位，減少每次冲廁水量，或放入重物佔水箱空間，效果一樣。
a.吉之島（ 2884 6888）
b. Panasonic（ 2833 0955）
c.百老滙（ 3144 1889）
d.實惠（ 2663 8833 |
發表於 2011-9-28 06:09 AM
| 
